भोटेकोशी र त्रिशूली नदीका माछा नखान प्रहरीको आग्रह

काठमाडौं भाद्र १५, भोटेकोशी तथा आसपासका नदी किनारबाट माछा एवम् अन्य नदीजन्य खाद्यपदार्थ निकाल्ने, घरमा लैजाने वा खाने जस्ता कार्य नगर्न प्रहरीले सबैलाई सूचित गरेको छ ।
नेपाल प्रहरीले रसुवाको बाढीपछि नदीजन्य पदार्थमा समस्या हुनसक्ने भन्दै भोटेकोशी र त्रिशूली नदीका माछा तथा नदीजन्य पदार्थ नखान आग्रह गरेको छ ।
भोटेकोशीमा बाढीसँगै बगेर आएका शव, मृत जीवजन्तु तथा अन्य फोहोरजन्य र प्रदूषित पदार्थका कारण पानीमा हानीकारक कीटाणु मिसिएकाले नदीबाट निकालिएका माछा तथा अन्य खाद्यपदार्थ नखान प्रहरीले आग्रह गरेको हो । यस्तै, ती नदीको पानी नपिउन प्रहरीले आग्रह गरेको छ ।
दूषित पानी तथा खाद्यपदार्थको प्रयोगले हैजा, झाडापखाला, छालामा संक्रमणलगायत रोग फैलिन्छ ।