राष्ट्रिय खाद्य बैंक असोज पछि आईपिओमा जाने

३० लाख कित्ता शेयर निस्काशन गर्दै, शेयर निश्काशन गर्ने अधिकृत संस्था ग्लोबल आइएमई क्यापिटल
धनबहादुर मगर
काठमाडौं भाद्र ६, राष्ट्रिय खाद्य बैंक लिमिटेडले तिस करोड रुपैयाँ बराबरको आईपीओ निष्कासन गर्ने भएको छ । यसका लागि बैंकले इश्यू म्यानेजरको जिम्मेवारी ग्लोबल आईएमई क्यापिटल लिमिटेडलाई दिने सम्झौता गरेको हो ।
शुक्रबार काठमाडौंको कोटेश्वर–३२, नरेफाटस्थित कार्यालयमा आयोजित विशेष कार्यक्रममा सम्झौतापत्रमा राष्ट्रिय खाद्य बैंक लिमिटेडका संस्थापक अध्यक्ष शंकरनाथ उप्रेती, कम्पनी सचिव डा. जिवनाथ धिताल र ग्लोबल आईएमई क्यापिटल लिमिटेडका प्रमुख कार्यकारी अधिकृत मन्दिप लुइँटेलले हस्ताक्षर गरेका थिए ।
समारोहमा संस्थापक अध्यक्ष उप्रेतीले भने, “हाम्रो खाद्य बैंकलाई अझै सशक्त बनाउन र सर्वसाधारणलाई शेयरमार्फत जोड्ने उद्देश्यले आईपीओ ल्याउन लागिएको बताए । यसले संस्थागत पारदर्शिता र जनविश्वास दुबैलाई मजबुत पार्नेछ ।”
त्यस्तै, कम्पनी सचिव धितालले आईपीओ मार्फत आमजनताले खाद्य बैंकमा लगानी गर्ने अवसर पाउने बताए । “हाम्रो लक्ष्य स्वदेशी पुँजीलाई उत्पादनमुखी क्षेत्रमा परिचालन गर्नु हो । यस प्रक्रियाले हाम्रो दीर्घकालीन योजनामा गति ल्याउने छ ।”
ग्लोबल आईएमई क्यापिटल लिमिटेडका प्रमुख कार्यकारी अधिकृत लुइँटेलले भने, “यस संघका कार्यले गरेका हैसियतमा हामीले यस आईपीओलाई सफ्ट, पारदर्शी र लगानीकर्तामैत्री बनाउनेछौं । खाद्य बैंक जस्तो संस्थाको विस्तारमा सघाउन पाउनु हाम्रा लागि गर्वको विषय हो ।”
खाद्य बैंकले आफ्नो स्थापना काल देखिनै कृषि क्षेत्रको विकास र विस्तार गर्ने उद्देश्यले उत्पादनमा पनि जोड दिँदै आएको छ । खाद्य बैंकको विकास र विस्तारको लागि अझ संस्थागत बलियो बनाई आम किसान, उपभोक्ता सम्म स्वास्थ खाना, उपभोक्तासम्म पु¥याउने उद्देश्य लिएको छ ।
खाद्य बैंकका अध्यक्ष शंकरनाथ उप्रेतीले खाद्य बैंक उत्पादन, भण्डारण, बजारीकरण तिनैवटा भागलाई अगाडि बढाउँदै आएको छ । किसानलाई उचित प्रतिफल पाउने गरि उपभोग र उत्पादन बढाउँदै राज्यलाई धनी बनाउने उद्देश्याले स्वास्थ्यवद्र्धक खानेकुरा उत्पादन गर्ने बैंकको मुख्य उद्देश्य रहेको बताउनु भयो ।
साथै बैंकले सातै प्रदेशका स्थानीय सरकार, किसान, सहकारी, कृषक समूहसँग मिलेर काम गरिरहेको बताउदै अर्गानिक उत्पादनमा आधारित कृषि वस्तु बजारमा ल्याइरहेको बताउनु भयो ।
कृषिमा सफल मोडालिटी अपनाउँदै जग्गाको चक्लावन्दी, एउटै बाली उत्पादनमा जोडदिने, पिता पुर्खाले गर्दै आएको खेती प्रणालीमा जोडदिँदै आफ्नै माटोमा उम्रिने कृषि उत्पादनमा जोडदिने बताउनु भयो ।
आयातित बिउविजन नेपाली माटोसँग सुहाउँदो नभएले आफ्नै माटोमा उम्रिने बिउविजनको आवश्यक रहेको बताउँदैन खाना, दाना, र बिउविजनमा खाद्य बैंक अघि सरेको बताए ।
अध्यक्ष उप्रेतीले हालसम्म ७०० शेयर सदस्य आवद्ध रहेको छ । २ अर्ब पुँजी पु¥याउने लक्ष्य अनुसार ३० करोड अर्थात ३० लाख कित्ता शेयर निष्काशन गर्ने अधिकार यही असोज २५ गते हुन गईरहेको साधारण सभाबाट अधिकार प्राप्त गरि अगाडि बढ्ने बताउनु भयो ।
साथै ग्लोबल आइएमई क्यापिटलको सहयोगमा यो पव्लिक शेयर निष्काशन गर्ने अवसर दिएकोमा ग्लोवल आइएमई ग्रुपप्रति धन्यवाद व्यक्त गर्नु भएको छ ।
सम्झौता हस्ताक्षर कार्यक्रमा खाद्य बैंकको तर्फबाट कम्पनी सचिव धितोपत्र बोर्डका पूर्व अध्यक्ष रामकृष्ण धिताल, हरिकृष्ण दाहाल, कुलचन्द्र सिलवाल, ग्लोबल आइएमई क्यापिटबाट पवित्रा पौडेल, गीता पौडेल लगायत को प्रतिनिधीहरु सहभागी भएका थिए ।